Commitment: ქალაქ რუსთავის მუნიციპალიტეტში ელექტრონული სერვისების დანერგვა და განვითარება
Commitment Description: თვითმმართველობის განხორციელებისას ელექტრონული მმართველობის პრინციპებზე დაფუძნებული ერთიანი სისტემის შექმნა ღია მმართველობის ერთ–ერთ მნიშვნელოვან და პრიორიტეტულ მიმართულებას წარმოადგენს. აღნიშნულის ფარგლებში, ქ. რუსთავის მუნიციპალიტეტის მერიამ აიღო ვალდებულება 5 ელექტრონული სერვისის დანერგვასთან დაკავშირებით Outcome: 5 ელექტრონული სერვისი დანერგილია
Timeline: Start date - July 2018, End date - December 2019
OGP Thematic Areas: სერვისების ხელმისაწვდომობა
Reporting Period: 2019, წლიური
Lead Agency: რუსთავის მუნიციპალიტეტის მერია
საანგარიშო პერიოდში ვალდებულების შესრულების პროგრესის მიმოხილვისას მნიშვნელოვანია აღინიშნოს ცენტრალური ხელისუფლების გადაწყვეტილება თვითმმართველი ერთეულების ახალ სისტემაზე (MMS-დან MSDA-ზე) გადასვლის შესახებ, რის გამოც შეფერხდა რიგი აქტივობების სამოქმედო გეგმით გათვალისწინებულ ვადებში განხორციელება.

ქ. რუსთავის მუნიციპალიტეტის მერიის არსებულ მუნიციპალურ სერვისებთან დაკავშირებული საკვანძო ბიზნეს-პროცესების ანალიზის განხორციელება და მოდულების გაწერა რეგიონული განვითარებისა და ინფრასტრუქტურის სამინისტროს ინიციატივით და ქ. თბილისის მუნიციპალური სერვისების განვითარების სააგენტოს მხარდაჭერით, 2019 წლის 10 სექტემბრიდან დაიწყო. საანგარიშო პერიოდში აქტივობა სრულად განხორციელდა. შედეგად, სივრცითი მოწყობისა და არქიტექტურული მოდული, აგრეთვე, ჯანმრთელობის დაცვის და სოციალური უზრუნველყოფის სერვისების მოდული დანერგილია და გამართულად ფუნქციონირებს სისტემა MMS-ში. შესაბამისად, სამოქმედო გეგმით გათვალისწინებული სამი განხორციელების ეტაპი სრულად შესრულდა.

არ შესრულდა ვალდებულების დანარჩენი სამი ეტაპი, რომელიც შემდეგი 3 მოდულის დანერგვას ითვალისწინებდა:

• მუნიციპალიტეტმა ბიუჯეტირების მოდულის დანერგვისა თუ მოქალაქეებისთვის ხელმისაწვდომი მონაწილეობითი ბიუჯეტირების მექანიზმის არსებობის შესახებ დამადასტურებელი ინფორმაცია ვერ წარმოადგინა. აღნიშნული ინფორმაცია არ არის განთავსებული არც მუნიციპალიტეტის ვებგვერდზე (rustavi.gov.ge).
• უწყების განცხადებით, ელექტრონული პეტიციების მოდულის დანერგვა იგეგმება მუნიციპალიტეტის ვებგვერდის განახლების ფარგლებში, რაც, საანგარიშო პერიოდში არ დაწყებულა.
• საანგარიშო პერიოდში არ დანერგილა ქონების მართვის სერვისების მოდული.

სამდივნოს შეფასებით, სამოქმედო გეგმის მონიტორინგის მეთოდოლოგიის თანახმად, ვალდებულება გეგმით გათვალისწინებულ ვადებში უმეტესწილად შესრულდა, რადგან განხორციელდა მუნიციპალურ სერვისებთან დაკავშირებული საკვანძო ბიზნეს-პროცესების ანალიზი და დაინერგა 5-დან 2 ელექტრონული სერვისი.