Commitment: ქალაქ ბათუმის მუნიციპალიტეტში ელექტრონული სერვისების დანერგვა და განვითარება
Commitment Description: თვითმმართველობის განხორციელებისას ელექტრონული მმართველობის პრინციპებზე დაფუძნებული ერთიანი სისტემის გამოყენება ღია მმართველობის ერთ–ერთ მნიშვნელოვან და პრიორიტეტულ მიმართულებას წარმოადგენს. ამასთან, უმეტეს შემთხვევაში, სახელმწიფო სერვისების ელექტრონულად შეთავაზება მომსახურების მიღების ყველაზე უფრო სწრაფი, კომფორტული და იაფი გზაა.

ღია მმართველობა საქართველოს 2018-2019 წლების ეროვნული სამოქმედო გეგმის ფარგლებში, ქ. ბათუმის მუნიციპალიტეტის მერიამ მუნიციპალურ სერვისებზე ხელმისაწვდომობის გაუმჯობესება და ხუთი ელექტრონული სერვისის დანერგვა და განვითარება დაისახა მიზნად Outcome: 5 ელექტრონული სერვისი დანერგილია
Timeline: Start date - July 2018, End date - December 2019
OGP Thematic Areas: სერვისების ხელმისაწვდომობა
Reporting Period: 2019, წლიური
Lead Agency: ბათუმის მუნიციპალიტეტის მერია
USAID/GGI-ის პროგრამის მხარდაჭერით, შემუშავდა "ბათუმის მერიის სერვისებისა და სერვისების მიწოდების სტრატეგია", რომელიც მოიცავს ბათუმის მერიის მუნიციპალური სერვისების ფუნქციურ ანალიზს, სამართლებრივი აქტებისა და სერვისების კატალოგს. აღწერილია მუნიციპალიტეტის 200-ზე მეტი სერვისი, რომელსაც მერია სტრუქტურული ქვედანაყოფებისა და შპს-ების მეშვეობით ახორციელებს. ანგარიშში გამოთქმულია შენიშვნები, როგორც პოლიტიკის დაგეგმვისა და მონიტორინგის, ასევე სერვისების სტანდარტიზაციის და სტანდარტებთან შესაბამისობის მონიტორინგის მიმართულებით. გაცემულია რეკომენდაციები რესურსების ოპერირებასა და ზედამხედველობასთან დაკავშირებითაც.

შექმნილია „მონაწილეობითი ბიუჯეტირების ელექტრონული პლატფორმა“ – idea.batumi.ge, რომლის მეშვეობით მოქალაქეებს მიეცათ პროექტების ინიცირების შესაძლებლობა.

საანგარიშო პერიოდში ამოქმედდა ელექტრონული პეტიციების მოდული - petition.lsg.ge/batumi, რომელიც ინტეგრირებულია ბათუმის საკრებულოს ვებგვერდთან. ელ. პლატფორმაზე განთავსებულია პეტიციის შევსების, წარდგენის, ხელმოწერის, რეგისტრაციის ინსტრუქციები და სხვა სახელმძღვანელო წესები. ასევე, ხელმისაწვდომია ინფორმაცია მიმდინარე, დასრულებული და უარყოფილი პეტიციების შესახებ.

ამასთან, აღსანიშნავია, რომ თვითმმართველობის კოდექსით გათვალისწინებული 1%-იანი ბარიერი, რომელიც საჭიროა პეტიციის განსახილველად, შემცირებულია 0,5 %-მდე. ანგარიშგების პერიოდის დასასრულისთვის წარმოდგენილია 5 პეტიცია, რომელთაგან ერთი განხილულია საკრებულოს მიერ.

სამოქმედო გეგმით გათვალისწინებული ვალდებულების ფარგლებში, შეიქმნა ქალაქგანვითარებისა და ურბანული პოლიტიკის სამსახურის და მუნიციპალური ქონებისა და სერვისების მართვის სამსახურის სტატისტიკის მოდულები - batumi.ge/statistics.

დამუშავდა სტატისტიკური ინფორმაცია ქალაქ განვითარებისა და ურბანული პოლიტიკის სამსახურის და ასევე, მუნიციპალური ქონებისა და სერვისების მართვის სამსახურის მიერ დაგეგმილი თუ დასრულებული ღონისძიებების შესახებ. ხელმისაწვდომია სრული სტატისტიკა და ინფორმაცია დადებით ან უარყოფითად გადაწყვეტილი საკითხების შესახებ.

ქალაქის განვითარებისა და ურბანული პოლიტიკის სამსახური ჩაერთო მუნიციპალიტეტების მართვის სისტემა MMS.

რაც შეეხება, ჯანმრთელობის დაცვის და სოციალური უზრუნველყოფის სერვისების მოდულის დანერგვას, ქ. ბათუმის მერიის ჯანმრთელობისა და სოციალური დაცვის სამსახური ჩართულია მუნიციპალიტეტების მართვის სისტემა MMS-ში, რაც ამარტივებს აღნიშნული სამსახურის მიერ პროგრამების მართვასა და შემოსულ განცხადებებზე ინდივიდუალური წარმოების პროცესს.

სამდივნოს შეფასებით, ვალდებულება გეგმით გათვალისწინებულ ვადებში სრულად შესრულდა, რადგან განხორციელებულია სამოქმედო გეგმით გათვალისწინებული ყველა ეტაპი.