Commitment: გამჭვირვალე და კეთილსინდისიერი მმართველობის განმტკიცება ოზურგეთის მუნიციპალიტეტში
Commitment Description: საქართველო გამოირჩევა როგორც ღია მმართველობის პროცესში ხელისუფლების სამივე შტოს ჩართულობით, ასევე, ადგილობრივი თვითმმართველობების აქტიური მონაწილეობით. ღია მმართველობა საქართველოს 2018-2019 წლის სამოქმედო გეგმის განხორციელებაში 13 მუნიციპალური ორგანო მონაწილეობს, მათგან 9 მუნიციპალურმა ორგანომ გამჭვირვალობისა და კეთილსინდისიერების ამაღლების სტრატეგიის შემუშავების ვალდებულება აიღო, რომლის დახმარებით ჩამოყალიბდება კეთილსინდისიერებისა და გამჭვირვალობის სახელმძღვანელო სტანდარტები.

საბიუჯეტო სახსრების გამჭვირვალედ და კეთილსინდისიერად გამოყენება მუნიციპალიტეტების უმთავრეს პრიორიტეტს წარმოადგენს. აღნიშნულთან დაკავშირებით, რიგი მუნიციპალიტეტებისთვის ერთ-ერთი მთავარი გამოწვევაა, რომ მათ არ გააჩნიათ სტრატეგიული დოკუმენტი, რომელიც აანალიზებს გამჭვირვალე და კეთილსინდისიერი მმართველობის პროცესში არსებულ გამოწვევებს/საფრთხეებს, ადგენს მათი გადაჭრის გზებს და განსაზღვრავს გამჭვირვალე და კეთილსინდისიერი მმართველობის არსებული სტანდარტების განმტკიცებისთვის განსახორციელებელ ქმედებებს. შესაბამისად, გამჭვირვალობის და კეთილსინდისიერების სტანდარტების დანერგვა, მნიშვნელოვნად შეუწყობს ხელს აღნიშნულ მუნიციპალიტეტებში დემოკრატიული მმართველობის ხარისხის გაუმჯობესებას. Outcome: გამჭვირვალობის და კეთილსინდისიერების ამაღლების სტრატეგია (2019-2022); შესაბამისი სამოქმედო გეგმა (2019-2020) და მონიტორინგის ჩარჩო შემუშავებული და დამტკიცებულია მუნიციპალიტეტის საკრებულოს მიერ
Timeline: Start date - October 2018, End date - September 2019
OGP Thematic Areas: გამჭვირვალობა, ანგარიშვალდებულება, ჩართულობა
Reporting Period: 2019, წლიური
Lead Agency: ოზურგეთის მუნიციპალიტეტის მერია და საკრებულო
ოზურგეთის მუნიციპალიტეტის მერიისა და საკრებულოს გამჭვირვალობის და კეთილსინდისიერების ამაღლების სტრატეგია და სამოქმედო გეგმა ადგილობრივ არასამთავრობო ორგანიზაციებთან და სხვა პარტნიორებთან (საქართველოს დემოკრატიული განვითარების კავშირი, ინოვაციებისა და სამოქალაქო განვითარების ცენტრი პროგრესის სახლი, საქართველოს პარლამენტის ეროვნული ბიბლიოთეკა) მჭიდრო თანამშრომლობით მოამზადა.

სტრატეგიისა და სამოქმედო გეგმის დოკუმენტების შემუშავების პროცესი მოიცავდა შემდეგ ეტაპებს:

• სიტუაციური და SWOT ანალიზის მომზადება
• სტრატეგიული პრიორიტეტების შეთანხმება
• სტრატეგიისა და სამოქმედო გეგმის სამუშაო ვერსიის მომზადება
• დოკუმენტების სამუშაო ვერსიის საჯარო განხილვა დაინტერესებული მხარეების მონაწილეობით.

ოზურგეთის მუნიციპალიტეტი ოთხწლიან პერიოდში (2019-2022 წლები) სამ სტრატეგიულ მიზანს ისახავს, რაც, თავის მხრივ, ცხრა სტრატეგიულ ამოცანას მოიცავს.

გამჭვირვალე და კეთილსინდისიერი მმართველობის ამაღლების სტრატეგია და სამოქმედო გეგმა, აქტიური განხილვების შემდეგ, საბოლოოდ 2019 წლის 30 დეკემბერს ოზურგეთის მუნიციპალიტეტის საკრებულოს N 90-ე განკარგულებით დამტკიცდა. 

ოზურგეთის მუნიციპალიტეტის საკრებულომ და მერიამ USAID/GGI-სთან თანამშრომლობით გააგრძელეს მუშაობა მონიტორინგის ჩარჩოსა და თვითშეფასების მეთოდოლოგიის შემუშავებაზე, რომელიც სამოქმედო გეგმის ვადის გადაცილებით, საკრებულოს 2020 წლის 31 მარტის N18 დადგენილებით დამტკიცდა.