Commitment: გამჭვირვალე და კეთილსინდისიერი მმართველობის განმტკიცება ახალციხის მუნიციპალიტეტში
Commitment Description: საქართველო გამოირჩევა როგორც ღია მმართველობის პროცესში ხელისუფლების სამივე შტოს ჩართულობით, ასევე, ადგილობრივი თვითმმართველობების აქტიური მონაწილეობით. ღია მმართველობა საქართველოს 2018-2019 წლის სამოქმედო გეგმის განხორციელებაში 13 მუნიციპალური ორგანო მონაწილეობს, მათგან 9 მუნიციპალურმა ორგანომ გამჭვირვალობისა და კეთილსინდისიერების ამაღლების სტრატეგიის შემუშავების ვალდებულება აიღო, რომლის დახმარებით ჩამოყალიბდება კეთილსინდისიერებისა და გამჭვირვალობის სახელმძღვანელო სტანდარტები.

საბიუჯეტო სახსრების გამჭვირვალედ და კეთილსინდისიერად გამოყენება მუნიციპალიტეტების უმთავრეს პრიორიტეტს წარმოადგენს. აღნიშნულთან დაკავშირებით, რიგი მუნიციპალიტეტებისთვის ერთ-ერთი მთავარი გამოწვევაა, რომ მათ არ გააჩნიათ სტრატეგიული დოკუმენტი, რომელიც აანალიზებს გამჭვირვალე და კეთილსინდისიერი მმართველობის პროცესში არსებულ გამოწვევებს/საფრთხეებს, ადგენს მათი გადაჭრის გზებს და განსაზღვრავს გამჭვირვალე და კეთილსინდისიერი მმართველობის არსებული სტანდარტების განმტკიცებისთვის განსახორციელებელ ქმედებებს. შესაბამისად, გამჭვირვალობის და კეთილსინდისიერების სტანდარტების დანერგვა, მნიშვნელოვნად შეუწყობს ხელს აღნიშნულ მუნიციპალიტეტებში დემოკრატიული მმართველობის ხარისხის გაუმჯობესებას. Outcome: გამჭვირვალობის და კეთილსინდისიერების ამაღლების სტრატეგია (2019-2022); შესაბამისი სამოქმედო გეგმა (2019-2020) და მონიტორინგის ჩარჩო შემუშავებული და დამტკიცებულია მუნიციპალიტეტის საკრებულოს მიერ
Timeline: Start date - October 2018, End date - September 2019
OGP Thematic Areas: გამჭვირვალობა, ანგარიშვალდებულება, ჩართულობა
Reporting Period: 2019, წლიური
Lead Agency: ახალციხის მუნიციპალიტეტის მერია
ახალციხის მუნიციპალიტეტის მერიის გამჭვირვალობის და კეთილსინდისიერების ამაღლების სტრატეგიის და სამოქმედო გეგმის პირველადი სამუშაო ვერსია ახალციხის მუნიციპალიტეტის მერიასა და ინფორმაციის თავისუფლების განვითარების ინსტიტუტის (IDFI) მჭიდრო თანამშრომლობითა და USAID/GGI-ის მხარდაჭერით მომზადდა.

2019 წლის 27 ივნისს ახალციხეში მერიისა და IDFI-ის ორგანიზებით გაიმართა გამჭვირვალობის და კეთილსინდისიერების ამაღლების სტრატეგიის და სამოქმედო გეგმის პირველადი ვარიანტების საჯარო განხილვა. შეხვედრა დისკუსიის ფორმატში წარიმართა და მის მიზანს დოკუმენტებთან დაკავშირებით დაინტერესებული მხარეების, მათ შორის სამოქალაქო და მედია სექტორის და აკადემიური წრეების წარმომადგენელთა მოსაზრებების მოსმენა და შემდგომში, გათვალისწინება წარმოადგენდა.

სტრატეგიისა და სამოქმედო გეგმის საბოლოო ვარიანტების შემუშავების პროცესში ასევე მომზადდა მონიტორინგის ჩარჩო. 2019 წლის 7 ივლისს, ახალციხის მუნიციპალიტეტის მერის N 1470 07 ბრძანებით დამტკიცდა ახალციხის მუნიციპალიტეტის მერიის გამჭვირვალობის და კეთილსინდისიერების ამაღლების სტრატეგია, სამოქმედო გეგმა და თანამდევი მონიტორინგის ჩარჩო. 2019 წლის 12 ივლისს კი IDFI-ის მიერ ჩატარდა ახალციხის მუნიციპალიტეტის თანამშრომელთა ტრენინგი კორუფციასთან ბრძოლის საკითხებზე (31 მონაწილე).

ახალციხის მუნიციპალიტეტის მერიის გამჭვირვალობისა და კეთილსინდისიერების ამაღლების სამოქმედო გეგმა შემდეგ ამოცანებს მოიცავს:

• ეთიკისა და კეთილსინდისიერების არსებული მექანიზმების გაუმჯობესება
• ადამიანური რესურსების მართვის სისტემის გაუმჯობესება
• ახალციხის მერიაში გამჭვირვალობის სტანდარტების დახვეწა
• საზოგადოებრივი ჩართულობის და ზედამხედველობის მექანიზმების გაძლიერება
• ახალციხის მერიის მიერ დაფუძნებული იურიდიული პირების გამჭვირვალობის და კეთილსინდისიერების სტანდარტების გაუმჯობესება
• კონკურენციის გაზრდა სახელმწიფო შესყიდვებში.