Commitment: ეფექტიანი მმართველობისა და მოქალაქეთა ჩართულობის ინოვაციური მეთოდების დანერგვა
Commitment Description: ოზურგეთის მუნიციპალიტეტის საკრებულო და მერია აქტიურად მუშაობენ მოსახლეობისთვის გაწეული სერვისების დახვეწასა და პროგრამულ ბიუჯეტში წარმოდგენილი ინდიკატორების მონიტორინგის სისტემის დანერგვაზე. წინამდებარე ვალდებულების მიზანია ადგილობრივი თვითმმართველობის მიერ მოსახლეობისთვის გაწეული სერვისების შეფასების და მოსახლეობის კმაყოფილების ხარისხის გაზომვის სისტემის დანერგვა, რაც გააძლიერებს გადაწყვეტილების მიღების პროცესში საზოგადოების ინფორმირებასა და ჩართულობას. Outcome: - ა(ა)იპ-ების მიერ გაცემული სერვისების შეფასებისა და მოქალაქეთა კმაყოფილების დონის გაზომვის სისტემა დანერგილია - მოსახლეობისთვის მიწოდებული სერვისების შეფასება და აღნიშნულის შესახებ მოსახლეობისთვის ანგარიშების წარდგენა წელიწადში 2-ჯერ ტარდება - თვითმმართველობა განათლებისთვის" ფარგლებში საინფორმაციო შეხვედრები ახალგაზრდებისთვის გამართულია
Timeline: Start date - September 2018, End date - September 2019
OGP Thematic Areas: გამჭვირვალობა, სერვისების ხელმისაწვდომობა, ანგარიშვალდებულება, ინოვაცია და ტექნოლოგიები, ჩართულობა
Reporting Period: 2019, წლიური
Lead Agency: ოზურგეთის მუნიციპალიტეტის მერია და საკრებულო
საანგარიშო პერიოდში ეფექტიანი მმართველობისა და მოქალაქეთა ჩართულობის ინოვაციური მეთოდების დანერგვის უზრუნველსაყოფად სამოქალაქო აქტივისტების, არასამთავრობო ორგანიზაციების, მედიის წარმომადგენლების, ექსპერტებისა და საჯარო პირებისგან შემდგარმა სამუშაო ჯგუფმა შეიმუშავა SMART ინდიკატორები ოზურგეთის მუნიციპალური სერვისების მიწოდების მონიტორინგის მიზნით.

პარტნიორების სამუშაო შეხვედრაზე გადაწყდა, რომ კვალიფიციურ დამკვირვებლებად მოწვეულ იყვნენ ახალგაზრდები (საჯარო სკოლების უფროსკლასელი მოსწავლეები). "თვითმართველობა განათლების" ფარგლებში ჩატარდა საინფორმაციო-საგანმანათლებლო შეხვედრები და შეირჩა მოხალისეები, რომლებიც აქტიურად ჩაერთვნენ პროცესში. 2019 წლის აგვისტოში, კვალიფიციურ დამკვირვებელთა ჯგუფმა წინასწარ შედგენილი კრიტერიუმების საფუძველზე ქალაქ ოზურგეთისა და სოფელ ნატანების ტერიტორიაზე აწარმოა კვლევა და გამოკითხა 300 რესპოდენტი.

აღნიშნული აქტივობის შედეგად მომზადდა ანგარიში, რომელშიც აისახა რეკომენდაციები მონიტორინგის ინდიკატორებთან დაკავშირებით. მოსახლეობის გამოკითხვიდან მიღებული ინფორმაციის გაანალიზების საფუძველზე გადაიხედა არსებული ინდიკატორები და დაკორექტირდა რიგი სერვისის მენეჯმენტი. აღნიშნული შეეხო იდენტიფიცირებული პრობლემების 2/3 ნაწილს.

საანგარიშო პერიოდში განხორციელდა პროექტი „თვითმმართველობა განათლებისთვის“. თვითმმართველობის მნიშვნელობის პოპულარიზაციის, გადაწყვეტილებების მიღების პროცესში ახალგაზრდების მონაწილეობის წახალისებისა და ცნობიერების ამაღლების მიზნით გამართულ ღონისძიებები მუნიციპალიტეტის პარტნიორი სამოქალაქო საზოგადოების მხარდაჭერითა და ჩართულობით გაიმართა. პროექტის ფარგლებში მუნიციპალიტეტში ჩატარდა რიგი ინფორმაციული და საგანმანათლებლო ღონისძიებები, რაზეც სამდივნოს სრულყოფილი ინფორმაცია წარედგინა.

სამდივნოს შეფასებით, ვალდებულება გეგმით გათვალისწინებულ ვადებში სრულად შესრულდა.