Commitment: I.Gov.Zugdidi
Commitment Description: მოქალაქეთა ჩართულობის გაუმჯობესების მიზნით, გარდა კანონმდებლობით დადგენილი მექანიზმებისა, ღია მმართველობა საქართველოს 2018-2019 წლების ეროვნული სამოქმედო გეგმის ფარგლებში, ზუგდიდის საკრებულომ ადგილობრივი თვითმმართველობის საქმიანობაში მოქალაქეთა ჩართულობის გაძლიერება, ანგარიშვალდებულებისა და საჯაროობის პრინციპების დანერგვა და განვითარება დაისახა მიზნად და სამოქმედო გეგმის ფარგლებში, მრავალფუნქციური მობილური აპლიკაციის – I.Gov.Zugdidi-ის შექმნა განსაზღვრა მის ვალდებულებად. Outcome: აპლიკაცია გამართულად ფუნქციონირებს და ხელმისაწვდომია მოქალაქეებისთვის; აპლიკაცია მოქალაქეებს სთავაზობს უკუკავშირის მექანიზმს.
Timeline: Start date - January 2019, End date - December 2019
OGP Thematic Areas: გამჭვირვალობა, სერვისების ხელმისაწვდომობა, ანგარიშვალდებულება, ინოვაცია და ტექნოლოგიები, ჩართულობა
Reporting Period: 2019, წლიური
Lead Agency: ზუგდიდის მუნიციპალიტეტის საკრებულო
2018 წლის დეკემბერში, ქალაქ ზუგდიდის მუნიციპალიტეტის თვითმმართველი ორგანოების საქმიანობის შესახებ ინფორმაციის მოქალაქეებისათვის სწრაფი და ეფექტური მიწოდების მიზნით, მუნიციპალიტეტის საკრებულომ შექმნა მრავალფუნქციური მობილური აპლიკაცია - I.Gov.Zugdidi.

აპლიკაცია მოქალაქეებს შესაძლებლობას აძლევს მოითხოვონ საჯარო ინფორმაცია, მიიღონ ინფორმაცია დაგეგმილი ღონისძიებების შესახებ, გაეცნონ სიახლეებს, მუნიციპალურ პროგრამებს, ასევე მიიღონ საკრებულოს წევრთა საკონტაქტო ინფორმაცია.

მობილური აპლიკაციის საშუალებით, ზუგდიდის მუნიციპალიტეტის ტერიტორიაზე მცხოვრებ მოქალაქეს შეუძლია ინფორმაცია მოიძიოს საკრებულოს რიგითი სხდომებისა და განსახილველი საკითხების, ქალაქში დაგეგმილი სხვადასხვა სახის კულტურული თუ სპორტული ღონისძიებების გამართვის თარიღების, განსახორციელებელი ინფრასტრუქტურული პროექტების დაწყებისა და სავარაუდო დასრულების თარიღების შესახებ.

გარდა ამისა, მოქალაქე იღებს ინფორმაციას მუნიციპალური ჯანდაცვისა და სოციალური პროგრამების შესახებ, ასევე ეცნობა კონკრეტული პროგრამით სარგებლობის პირობებსა და მერიაში წარსადგენი დოკუმენტაციის ჩამონათვალს. რაც ყველაზე მნიშვნელოვანია, აპლიკაციას აქვს უკუკავშირის ფუნქციაც, რაც გულისხმობს იმას, რომ მოქალაქეს შეუძლია სხვადასხვა სახის საჭიროებაზე მიაწოდოს ინფორმაცია ადგილობრივ თვითმმართველობას.

მობილური აპლიკაციის სრულად ამოქმედებისთანავე, 2019 წლის იანვარიდან დაიწყო ზუგდიდის მუნიციპალიტეტის მოსახლეობის აქტიური ინფორმირება და აპლიკაციის შესახებ საინფორმაციო კამპანიის წარმოება. საკრებულოს მაჟორიტარმა დეპუტატებმა და მერიის წარმომადგენლებმა აქტიური მონაწილეობა მიიღეს ზუგდიდის მუნიციპალიტეტის ქალაქისა და სოფლის ადმინისტრაციულ ერთეულებში მოქალაქეებისთვის ინფორმაციის მიწოდების პროცესში. გარდა ამისა, მოსახლეობის ინფორმირება ხდებოდა სოციალური ქსელებისა და ოფიციალური ვებგვერდების მეშვეობითაც.

სამდივნოს შეფასებით, ვალდებულება გეგმით გათვალისწინებულ ვადებში სრულად შესრულდა, რადგან განხორციელებულია სამოქმედო გეგმით გათვალისწინებული ყველა ეტაპი