16 აპრილს ივანე ჯავახიშვილის სახელობის თბილისის სახელმწიფო უნივერსიტეტში გაიმართა მთავრობის მორიგი საჯარო კონსულტაცია ღია და მონაწილეობითი მმართველობის შესახებ. შეხვედრას სტუდენტები და პროფესორ–მასწავლებლები ესწრებოდნენ.

კონსულტაციები ემსახურება საზოგადოების ინფორმირებას მთავრობის მიერ დაგეგმილი იმ ღონისძიებების შესახებ, რაც ღია და მონაწილეობითი მმართველობის უზრუნველყოფისთვის არის საჭირო. გარდა ამისა, შეხვედრების მიზანია საზოგადოების ჩართულობის გაზრდა, მათი მოსაზრებების, იდეების შეკრება, რათა მთავრობის სამოქმედო გეგმა და გაწერილი ღონისძიებები პასუხობდეს და შეესაბამებოდეს მოქალაქეთა საჭიროებებს.