2017 წლის წლის 3-5 აპრილს საქართველოს იუსტიციის სამინისტრომ, როგორც ღია მმართველობა საქართველოს მაკოორდინირებელმა უწყებამ, უმასპინძლა ღია მმართველობის პარტნიორობის აღმასრულებელი დირექტორის მოადგილეს, ბ-ნ ჯო პაუელს და პარტნიორობის სამოქალაქო საზოგადოების მიმართულების დირექტორს, ბ-ნ პოლ მაასენს.

OGP-ის წარმომადგენლების ვიზიტის მთავარი მიზანი იყო მთავრობისა და სამოქალაქო საზოგადოების წარმომადგენლებთან ერთად განეხილათ საქართველოს, როგორც პარტნიორობის თავმჯდომარის პრიორიტეტები და სამომავლო გეგმები; ასევე, ღია მმართველობის უკვე დასრულებული და მიმდინარე რეფორმები. გარდა ამისა, სტუმრებმა ქართულ მხარეს პარტნიორობის წინა თავმჯდომარეებთან თანამშრომლობისას დაგროვილი გამოცდილებაც გაუზიარეს.

4 აპრილს სტუმრებმა შეხვედრა გამართეს ღია მმართველობა საქართველოს ფორუმთან, რომელიც მთავრობისა და სამოქალაქო საზოგადოების თანამშრომლობის მუდმივმოქმედი მექანიზმია და პარტნიორობის მიერ საუკეთესო პრაქტიკად განიხილება. ფორუმის წევრმა სამთავრობო და სამოქალაქო საზოგადოების ორგანიზაციებმა ერთობლივად განიხილეს საქართველოს გეგმები პარტნიორობის თავმჯდომარეობასთან დაკავშირებით.

ღონისძიების ორგანიზებაში იუსტიციის სამინისტროს მხარდამჭერი იყო USAID-ის პროექტი “დემოკრატიული მმართველობის ინიციატივა საქართველოში”